Kinachowatesa Wasadikika..

Sunday, 30 August 2015

Ndugu zangu,

Kwenye Nchi ya Kusadikika, miongoni mwa hulka mbaya zinazowatesa Wasadikika ni pamoja na kuendekeza sana fitina na unafiki. Wasadikika hawaaminiani.

Wasadikika hawapendi pia kuambiwa ukweli. Kwenye shida yake, Msadikika akikufuata kukuomba msaada au ushauri, basi, anachotaka kusikia kutoka kwako ni maneno matamu ya kumjaza matumaini, na hata kumsifia kwa kisichokuwepo kiuhalisia. Ukimwambia ukweli atakasirika.

Anaweza hata kupita mitaani na kukusema; " Yule bwana bure kabisa, afadhali hata angeniongopea tu!"

Na ajabu ya Wasadikika ni kuwa, zamani sana walikubaliana na kulishana yamini, kwa mdomo na kwa maandishi, kuwa kwenye Nchi ya Kusadikika watakuwa " Wakisema Kweli Daima, Fitina Kwao Mwiko".

Leo hii, sio tu Wasadikika wameshasahau makubaliano yao hayo, bali, wana hata viongozi wao ambao hawajui kama kulipata kuwepo kwa makubaliano hayo!

Naam, Wasadikika wako katikati ya mkanganyiko mkubwa kupata kutokea tangu kuanzishwa kwa taifa lao. Na kuna Wasadikika wenye kuamini, kuwa Mungu anawapenda zaidi Wasadikika, na kwamba atawaletea ' Nabii' wa kuwakomboa...!

Maggid
Shauri Moyo,
Mji Kwenye Nchi Ya Kusadikika.(P.T

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.