Naibu Waziri Mpina kutatua Changamoto NEMC

Nkupamah media

Mkurugenzi Mtendaji wa Baraza la Usimamizi wa  Mazingira (NEMC), Bwana Bonaventure Baya  (aliyesimama), akizungumza wakati wa kumkaribisha kwa mara ya kwanza  Naibu Waziri wa

Nchi Ofisi ya Makamu wa Rais – Muungano na Mazingira, Mheshimiwa Luhaga Mpina (aliyekaa mbele) wakati  alipofanya Ziara yake  katika Makao Makuu ya Ofisi hiyo kwa ajili ya kujitambulisha na kuangalia utendaji wa Baraza hilo. (Picha na OMR) 

Naibu Waziri wa Nchi Ofisi ya Makamu wa Rais – Muungano na Mazingira, Mheshimiwa Luhaga Mpina (aliyekaa mbele), akizungumza na baadhi ya watendaji wa Baraza la Usimamizi wa Mazingira (NEMC) wakati alipotembelea kwa mara ya kwanza Makao Makuu ya Ofisi ya Baraza hilo jijini Dar es Salaam leo. (Picha na OMR)

Naibu Waziri wa Nchi Ofisi ya Makamu wa Rais- Muungano na Mazingira, Mheshimiwa Luhaga Mpina (aliyekaa katikati),  akiwa kwenye picha ya pamoja na baadhi ya Wafanyakazi wa Baraza la Usimamizi wa Mazingira (NEMC) wakati alipofanya Ziara yake ya kwanza kwenye Makao Makuu ya Ofisi hizo jijini Dar es Salaam leo. (Picha na OMR)

…………………………………………………………………………..

Na Victor Mariki  – Ofisi ya Makamu wa Rais

 Naibu Waziri wa Nchi Ofisi ya Makamu Rais – Muungano na Mazingira, Mheshimiwa Luhaga Mpina  amefanya ziara yake ya kwanza  tangu kuteuliwa kwake wadhifa  wa unaibu waziri  kwa kutembelea  Makao Makuu  ya  Baraza la Usimamizi wa Mazingira (NEMC).

                                                       Katika ziara hiyo ya kujitambulisha  pamoja na kukagua utendaji  wa Baraza la Usimamizi wa Mazingira (NEMC), Mheshimiwa Mpina  alibaini baadhi ya changamoto  zinazolikabili Baraza hilo katika utekelezaji  wa majukumu yake ikiwa pamoja na  kuzipatia utatuzi changamoto hizo.

                                                       Aliongeza  kwa kuainisha  changamoto hizo kuwa  ni; uchelewaji   wa utoaji   vyeti  vya Tathimini ya  Athari kwa Mazingira kwa wateja, utozaji   tozo usioendana  na wakati, uchache wa kanda na uchache wa rasimali watu katika utekelezaji wa majukumu.

                                                       Aidha katika kutatua changamoto hizo Mheshimiwa Mpina alilitaka Baraza hilo kuwasilisha viwango vya utozaji tozo vilivyowekwa kulingana na Sheria ya Mazingira ya Mwaka 2004 katika Ofisi ya Waziri ili viweze kujadiliwa pamoja na wadau na kufanyiwa maboresho kulingana na wakati huu.

                                                       Pia  alilitaka Baraza hilo kutoa  vyeti vya  Tathimini ya Athari kwa  Mazingira kwa wateja wake ndani ya siku 60 kulingana na Sheria hiyo ya Mazingira ya Mwaka 2004 ikiwa ni pamoja na kuviwasilisha vyeti  hivyo katika  Ofisi ya Waziri ili viweze kutolewa na Ofisi ya Waziri ndani ya siku 30.

                                                       Wakati huo huo, Mheshimiwa Mpina  alitoa agizo la siku 30 tu kwa Baraza la Usimamizi wa Mazingira (NEMC) kukamilisha utoaji wa vyeti  512 vilivyocheleweshwa utolewaji wake  na Baraza hilo kulingana na Sheria ya Mazingira ya Mwaka 2004.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.