Pinda: Nikiwa Rais Ntaimarisha Muungano

Tuesday, June 30, 2015

Mpekuzi blog

Waziri Mkuu Mizengo Pinda amesema iwapo chama kitampitisha na kupewa ridhaa na wananchi kuwa rais, atahakikisha anaimarisha misingi ya Mapinduzi ya Zanzibar na Muungano.
 

Alitoa kauli hiyo jana alipokuwa akisaka wadhamini huko Dimani, Mwera, Mjini na Wilaya ya Kaskazini B mjini Zanzibar. Alisema Mapinduzi na Muungano ni mambo muhimu yanayohitaji kuenziwa na akawataka wanachama wa CCM na wananchi kutorudi nyuma katika kuyaenzi.
 

“Muungano umeweka msingi mzuri wa kujenga udugu kama kuna mashimo tutaendelea kuyafukia kwa malengo ya kuuimarisha Muungano ili uwe imara zaidi,” alisema.
 

Alisema wakati huu wa kuelekea Uchaguzi Mkuu, ni vizuri suala la amani na mshikamano likapewa nafasi kubwa na wananchi ili kulinda mafanikio yaliyoanza kuonekana Zanzibar katika nyanja za uchumi na ustawi wa jamii.
 

Alisema baada ya kuzunguka Unguja na Pemba ameshuhudia mwelekeo mzuri wa kisiasa wa CCM na kuahidi kuwa kama chama kitampitisha na baadaye kupewa ridhaa na wananchi kuwa rais, atatumia muda wake mwingi kuharakisha maendeleo ya visiwa vya Zanzibar.
 

“Pemba ilikuwa vigumu kuvaa sare ya CCM nimekwenda kule nimeshuhudia mwenyewe hivi sasa wanachama wanavaa sare za chama hatua hiyo ni mafanikio makubwa kwa uchaguzi wa mwaka huu,” alisema.

Alisema suala la amani lazima lizingatiwe na kutoa mfano wa Taifa la Burundi jinsi wananchi wake wanavyoteseka na wengine kulazimika kulikimbia kutokana na kukosekana kwa utulivu.
 

“Amani si jambo la kuchezewa, ona kule Burundi wakati rais wake alipotangaza kuongeza kipindi cha tatu tu, Tanzania tulipokea zaidi ya wakimbizi laki moja kule Kigoma kwa muda mchache,” alisema.
 

Awali, Waziri Mkuu alizuru kaburi la Rais wa Kwanza wa Zanzibar, Abeid Amani Karume na Rais wa Awamu ya Nne wa Zanzibar, marehemu Idriss Abdul Wakil aliyezikwa katika mji mdogo wa Makunduchi Mkoa wa Kusini

  Nkupamah blog

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.