MHESHIMIWA CHARLES KUYEKO MEYA ANEYETOKANA NA CHAMA KIKUU CHA UPINZANI TANZANIA- CHADEMA MANISPAA YA ILALA AMEANZA KUSHUGHULIKA NA KERO SUGU KWA WANANCHI KWA KUTEMBELEA KILA KATA ILI KUPATA UFUMBUZI WA KUDUMU.

WIKI mbili tangu kuapishwa kwa madiwani wa Halmashauri za Jiji la Dar es Salaam, Meya wa Halmashauri ya Manispaa ya Ilala, Charles Kuyeko ameanza kazi kwa kutembelea Kata zote zilizopo Ilala na kuanza kukabiliana na baadhi ya kero za muda mrefu.

Diwani huyo wa Bunyokwa kupitia Chama cha Demokrasia na Maendeleo (Chadema) amesema , yeye pamoja na Naibu Meya wake, Omary Kumbilamoto Diwani wa Vingunguti (CUF) wameshaanza kufanya ziara za kutembelea masoko maeneo ya

machinjio.

Amesema moja wapo ya kero kubwa inayohitaji kutafutiwa ufumbuzi wa haraka ni Daraja la Mongo la ndege lililo sombwa na maji na kuwaacha wananchi kuendelea kutaabika.(VICTOR)

“Daraja hilo limekuwa ni kero kubwa kwa wakazi wa eneo la Ukonga tangu limeharibika ni miaka miwili mpaka sasa halijapatiwa ufumbuzi huku wananchi wakiendelea kuteseka” amesema Kuyeko.

Amesema katika kipindi hiki kifupi tayari tumeshawafikia wananchi na kusikiliza kero zao na nimewaahidi kuyashugulikia kama nilivyo waahidi wakati wangu wa kampeni

Amesema, kwa sasa anajikita zaidi katika ukusanyaji wa mapato katika Wilaya yake hii inaendana na kubuni, kudhibiti na kuongeza vyanzo vya mapato ili kupata uwezo wa kuzitatua kero za wananchi.

Aidha amesema kuwa, Februari 6 mwaka huu kutakuwa na mkutano wa Baraza la Madiwani Kata ya Ilala ambapo wataandaa mipango kazi na bajeti itakayokidhi mahitaji na kutatua changamoto zote zilizopo katika Manispaa hiyo ikiwemo ya maji na barabara ambavyo ni vipaumbele vyake vikubwa.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.