Watumishi Dar Mashakani.....Makonda Awatangazia Wananchi Wa Dar Kwenda Kuchukua Pesa Kwake Wakiombwa Rushwa

Baada ya suala la rushwa hasa kwa watumishi wa Serikali kuendelea kuwa kubwa, Mkuu wa Mkoaa wa Dar  es Salaam, Mh. Paul Makonda ametangaza ofa kwa wakazi wa jiji hilo muda na wakati wowote kujitokeza katika ofisi yake kuchukua kiasi chochote cha fedha kwa ajili ya kulipia  endapo Mwananchi ameombwa rushwa na watumishi hao wa Serikali.

RC Makonda amebainisha kuwa kutokana na suala la watumishi hasa wa kada ya Afya kuwadai wananchi rushwa pamoja na maafisa wengine katika jiji la Dar es Salaam, amekuja na Mkakati huo wa kutoa fedha kwa kiasi chochote kile ambacho Mwananchi atakiitaji endapo ataombwa rushwa na mtumishi wa Serikali ndani ya Mkoa wake.

Aidha, Makondna pia amewataaka wananchi kuzingatia sheria na kanuni mbalimbali zilizowekwa bila kuvunja sheria na kubainisha kuwa, yeye na timu yake wataendelea kutatua kero zinazowakabili wananchi popote pale walipo ndani ya Jiji.

Kwa upande wa watu wanaofanya shughuli za kuombaomba barabarani, RC Makonda amewataka wananchi kusitisha hatua ya kuwapatia pesa watu hao pamoja na watoto wao kwani wengi wao wamegeza suala hilo kama mtaji na kwa sasa wanandaa utaratibu maalum wa kuweza kuwaondoa kwenye maeneo yote ya Jiji.

Makonda ameongea hayo hivi karibuni kupitia kipindi cha televisheni ya  Chaneli ten,  katika mada maalum juu ya Kukusanya kero kwa wakazi wa Dar es Salaam na kupokea kero mbalimbali ambazo aliwahidi wananchi waliotoa maoni yao kuwa atazifanyoa kazi yeye pamoja na timu yake huku baadhi ya kero zingine akizitolea ufafanuzi papo hapo.

Mkuu wa Mkoa wa Dar es Salaam, Paul Makonda.

Share on Google Plus

About Mng'atuzi blog

This is a short description in the author block about the author. You edit it by entering text in the "Biographical Info" field in the user admin panel.