Yajue Majina 10 Wachezaji Usajiri Dirisha Dogo Ligi kuu.

Mzunguko wa kwanza wa Ligi Kuu Tanzania Bara umemalizika. Timu zote 16 kwa sasa ziko kwenye mapumziko, lakini mabenchi yao ya ufundi yakiangalia wapi kwenye mapungufu ili kuyarekebisha.

Zipo timu zilizoonekana zina mapungufu maeneo mbalimbali. Zipo zitakazosaka makipa, mabeki, viungo wa kati, pembeni na hata washambuliaji. Zile klabu zenye uwezo wa kifedha kama kawaida, zinaweza kuelekeza macho yao nje ya nchi kusaka wachezaji kwa ajili ya usajili wa dirisha dogo.

Hata hivyo, bado zinaweza pia kuungana na klabu zingine kusajili wachezaji toka humu humu nchini. Hadi mzunguko wa kwanza unamalizika, kuna wachezaji walioonyesha viwango vya juu kwenye timu zao ambao inawezekana kabisa wasiendelee kuzitumikia tena timu zao za awali na badala yake wakasajiliwa kwingine kwa ajili ya kuimarisha vikosi.

Hawa ni baadhi ya wachezaji ambao kutokana na uwezo waliouonyesha, sina uhakika kama wote wanataendelea kubaki kwenye klabu hizo, badala yake kunyakuliwa na klabu kubwa na zenye ‘kisu kikali’.

 1.Youthe Rostand­-African Lyon

Ni golikipa wa timu ya African Lyon, raia wa Cameroon. Ni mmoja kati ya makipa waliofanya vema hadi kumalizika kwa mzunguko wa kwanza wa ligi. Kwanza kabisa ana umbile la ukipa hasa urefu, huku akiwa makini kwenye kazi yake na asiyependa masihara. Inaonekana kama akiwa na mabeki walio makini, anaweza kuwa mzuri zaidi ya anavyoonekana. Kutokana na uwezo wake, kuna tetesi tayari baadhi ya klabu, ikiwemo Simba zimeanza kumnyemelea, hasa ikizingatia kuwa mkataba wake na timu yake hiyo unaelekea ukingoni.

2. Salum Kimenya-Prisons

Bado yuko kwenye kiwango kile kile cha msimu uliopita, kilichosababisha Simba kumtolea macho, lakini wakashindwana dau. Mechi mbili alizocheza dhidi ya Simba na Yanga, wakidibiti mawinga hatari wa timu hizo, Shiza Kichuya na Simon Msuva, kunamuweka kwenye nafasi nzuri zaidi ya kutakiwa na klabu mbalimbali kipindi hiki.

3. Rashid Mandawa­-Mtibwa Sugar

Ni mshambuliaji ambaye amerejea kwenye kiwango chake cha misimu miwili iliyopita akiwa Kagera Sugar alipomaliza ligi akiwa na magoli 10. Tayari amefunga magoli saba mpaka sasa akiwa na timu yake mpya ya Mtibwa Sugar hadi mzunguko wa kwanza unamalizika. Upepo ulimwendea vibaya msimu uliopita alipokuwa na Mwadui FC, akifunga magoli mawili tu msimu mzima. Kasi yake ya ufungaji magoli inaweza kuzishawishi timu zenye pesa kumnyakua. Mtibwa Sugar si timu yenye tabia ya kung’ang’ania wachezaji, hivyo anaweza kupatikana kirahisi taratibu zikifuatwa.

4. Rifat Hamisi­-Ndanda

Moja ya wachezaji wapya kabisa kwenye Ligi Kuu ya Tanzania, lakini wakiwa wanakuja juu kama moto wa kifuu. Ni kiungo mshambuliaji wa Ndanda ambaye pamoja na uchanga wake, ameondokea kuwa mahiri na tegemeo kwenye timu hiyo. Ni mmoja wa viungo mwenye uwezo wa kufunga magoli, kwani mpaka sasa pamoja kuiunganisha vema timu yake, lakini ameshapachika mabao matano mpaka sasa. Huyu pia anaweza kupata dili kwenye klabu nyingine.

5. Marcel Boniventure­-Majimaji

Huyu ndiye anayeifanya Majimaji kwa sasa ipumue. Ni mshambuliaji ambaye ameshaifungia magoli matano mpaka sasa. Japo timu hiyo ipo chini, lakini yeye binafasi ameonekana ana uwezo mkubwa wa kufunga magoli. Na kama atapata timu kidogo yenye viungo na matunzo bora, anaweza kuwa hatari zaidi. Ni mchezaji wa zamani wa kikosi cha pili cha Simba. Huyu naye watu wanaweza kumnyakua mzumguko wa pili.

6. Omari Mponda­-Ndanda

Kuna timu ambazo zinahangaika na mamshambuliaji. Huyu ni mmoja wa mamshambuliaji wachache wa Kibongo wanaitingisha kwenye Ligi Kuu mpaka sasa. Ana magoli matano na uwezo wake unaweza kuongezeka zaidi kama atakuwa kwenye timu ambayo si Ndanda. Kumbuka ndiye aliyefunga goli la kufutia machozi, Simba ikiichapa Ndanda mabao 3­1. Baada ya hapo akaanza kutupia kwenye baadhi ya mechi, akiibeba timu yake ya Ndanda. Naona kabisa zile timu zenye uhaba wa mamshambuliaji zinaweza kumchukua.

7. Mbaraka Yusuph­-Kagera Sugar

Ni mmoja wa mamshambuliaji hatari ambaye hatupiwi sana macho na klabu mbalimbali, ikiwemo timu yake ya Simba. Ni mchezaji aliyetoka kwenye kikosi cha pili cha timu hiyo anayechezea kwa mkopo Kagera Sugar tangu msimu uliopita. Wakati Simba ikionekana ina tatizo la mshambuliaji wa kati, Mbaraka ameshatupia magoli matano mpaka sasa. Msimu uliopita akitupia magoli manane wavuni, pia akifunga ‘hat­trick’ moja. Mpaka mzunguko wa kwanza msimu huu unamalizika, tayari ameshafunga magoli matano. Mawili kati ya hayo, aliyafunga kwenye mechi dhidi ya Yanga, Kagera Sugar ilipofungwa mabao 6­2. Huenda kwenye kipindi hiki, Simba ikamrejesha kundini ili kuokoa jahazi la kukosa mshambuliaji wa kutupia mabao, au pia kuchukuliwa na timu nyingine.

8. Waziri Junior­-Toto Africans

Ni mshambuliaji tegemeo wa Toto Africans ambaye alikuwa tishio tangu msimu uliopita. Ikumbukwe ndiyo aliyeifunga Simba kwenye mechi ya Ligi Kuu msimu uliopita na kumaliza ligi akiwa na magoli saba. Msimu huu tayari ana magoli manne hadi kumalizika kwa mzunguko wa kwanza Tanzania Bara. Ilikuwa bado kidogo atue Mtibwa Sugar msimu huu, lakini ilishindikana. Baada ya mechi dhidi ya Simba, Uwanja wa Uhuru, kiongozi mmoja mwadui FC aliongea naye akiahidi kuwa anaweza kumchukua kwenye timu yake kipindi cha dirisha dogo.

9. Kelvin Sabato ‘Kiduku’­-Stand United

Ni mshambuliaji wa kwanza kufunga ‘hat­trick’ msimu huu. Alifanya hivyo, timu yake ya Stand United ilipoichapa Mtibwa Sugar mabao 3­2. Amefunga magoli manne mpaka sasa kwenye Ligi Kuu. Ni mshambuliaji msumbufu ambaye ameifanya Stand kuwa ya kutisha msimu huu, akisajiliwa kutoka timu hasimu ya Mwadui aliyeipandisha Ligi Kuu. Pia anaweza kutoihudumu timu hiyo, kama watu watafika bei kutokana na kiwango chake.

10. Ally Nassor ‘Ufudu’-­Kagera Sugar

Ni mmoja kati ya viungo bora kwa sasa nchini, ingawa bado hajatazamwa kwa jicho la tatu. Ana uwezo mkubwa wa kuuchezea mpira, chenga, kupiga pasi za mwisho na hata kufunga. Uwezo huo alikuwa nao tangu yuko Mgambo Shooting, kabla ya kutua Kagera Sugar. Ana magoli matatu mpaka sasa na ni mmoja wa

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.