Manara Awapiga Vijembe Waandishi Wa Habari

Ulisubiri kumpiga picha wakati Msemaji wa Simba, Haji Manara akiwasili pale bandarini jijini Dar es Salaam? kama ni YES, basi “umenoa”.

Ndiyo maneno aliyaondika Manara wakati akipanda ndege kurejea jijini Dar es Salaam, akisisitiza kwamba anarejea kwa kutumia usafiri wa anga.

Manara amekuwa mtani mkubwa wa mashabiki wa Yanga na pia gumzo kwa mashabiki wengi wa soka kutokana na maneno yake mengi.

Kila Simba inapopoteza au kufanya vibaya, mashabiki humgeukia yeye kutokana na namna ambavyo amekuwa akizungumza kwa kuipamba timu yake ambayo ni kazi yake.

Simba imerejea Dar es Salaam, tayari kwa maandalizi ya michuano mingine ikiwa ni mara ya pili ndani ya wiki mbili kupoteza nafasi ya ubingwa katika mashindano mawili tofauti.

Simba ilivuliwa ubingwa wa Kombe la Shirikisho la Azam Sports na timu ya Green Worries na juzi ilitolewa mapema katika michuano ya Mapinduzi baada ya kufungwa mfululizo mechi mbili dhidi ya Azam FC na baadaye URA ya Uganda.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.