Urais 2015 : Mkapa Atoa 'ONYO' Kwa Wagombea Urais.

Tuesday, June 30, 2015

  Nkupamah blog

Rais wa serikali ya awamu ya tatu, Benjamin Mkapa, ametoa wosia  kwa wanasiasa wanaowania uongozi katika uchaguzi mkuu ujao nchini,  wawe makini na matamshi wanayoyatoa wakati wanapotafuta nafasi wanazotaka ili kuendelea kudumisha amani na utulivu nchini.

Mkapa alitoa wosia huo  juzi, kwenye  kilele cha Maadhimisho ya miaka 19 tangu kuanzishwa kwa Radio Maria Tanzania yaliyofanyika Kanisa Katoliki Parokia ya Madhabahu ya Bikira Maria Kawekamo jijini Mwanza.

Alisema kuelekea uchaguzi mkuu huo unaotarajiwa kufanyika Oktoba 25, mwaka huu, wanasiasa wanatakiwa wachukue tahadhari na matamshi yao pale wanapowania nafasi za uongozi ili kuepukana na uharibifu wa taifa la Tanzania.

“Taifa likiwa linaelekea uchaguzi mkuu, naomba niwatahadharishe watu waliotangaza kuwania nafasi mbalimbali za uongozi wawe makini katika matamshi yao wakati wanapopitapita kwa wananchi na tusije tukayatoa maneno yatakayosababisha uvurugaji wa amani yetu,” alisema Mkapa.

 

Aliwasihi wanasiasa hao kuhakikisha wanazungumza kwa umakini ili kuepukana na matamshi yanayoweza kuwagawa wengine na kuzalisha uvunjifu wa amani ya nchi iliyopo sasa.

Aidha, Mkapa katika madhimisho hayo, aliongoza harambee kwa ajili ya kuendeshea kituo cha radio hiyo kiasi cha Sh. milioni 60 zinazohitajika.

 Hata hivyo, Mkapa alifanikisha kuchangasha zaidi ya Sh. milioni 40  kwa njia mbalimbali na wadau wa ndani na nje ya nchi huku akizishauri nchi za Afrika kujiwezesha kwa mambo yaliyo ndani ya uwezo wa Waafrika wenyewe ikiwamo kufanya kazi kwa bidii, juhudi na maarifa.

Katika hatua nyingine; Mkapa alizitaka nchi za Afrika kuacha kutegemea zaidi misaada ya wahisani kutoka nchi za nje kutokana na baadhi kuanza kutokana na kuelemewa na madeni makubwa.

Akihubiri katika ibada ya misa takatifu iliyohudhuriwa na mamia ya waumini pamoja na mahujaji 400 waliotoka hija katika eneo la Nyakibeho nchini Rwanda, Askofu Mkuu wa Katoliki Jimbo Kuu la Mwanza, Mhashamu Thadeus Rwaichi, alisema taifa linapoelekea katika uchaguzi mkuu wa Rais, wabunge na madiwani, kunapo changamoto nyingi zinazolikabili zinahitaji waumini kusimama katika imani ya kweli na thabiti.

  Nkupamah blog

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.