YANGA YASONGA MBELE KWA USHINDI MWEMBAMBA SASA KUKUTANA NA AZAM JUMATATO PATACHIMBIKAJE

Mshambuliaji wa Yanga Amis Tambwe (katikati) akishangilia goli lake kwa kuwapungia mkono mashabiki

Mabingwa wa Tanzania bara Young Africans ‘Yanga’, leo wameibuka na ushindi mwembamba wa goli 1-0 mbele ya Khartoum Nalitonal Club katika mwendelezo wa michuano ya Kagame Cup mechi iliyopigwa leo jioni kwenye dimba la Taifa jijini Dar es Salaam.

Mchezo ulianza kwa kasi lakini Khartoum walionekana kuwamudu vyema Yanga dakika za mwanzoni na walifanikiwa kutengeneza nafasi kadhaa lakini hawakuweza kuzitumia vyema nafasi hizo kupachika mabao.

Andrey Coutinho wa Yanga (kulia) akijaribu kumtoka mlinzi wa Khartoum National Club

Goli la Yanga liliwekwa kambani na mshambuliaji wao Amis Tambwe dakika ya 30 kipindi cha kwanza aliyeunganisha kwa kichwa mpira wa kona uliopigwa na Haruna Niyonzima.

Kipindi cha kwanza kilimalizika huku Yanga wakiwa mbele kwa goli moja wakati Khartoum Naional Club wakiwa hawajapata goli licha ya kupata nafasi kadhaa za kufunga kwenye kipindi cha kwanza.

Kikosi cha Yanga kilichoanza kwenye mchezo wa leo dhidi ya Khartoum National Club

Kipindi cha pili Yanga walirudi wakiwa wamecharuka na kuonekana kusaka goli kwa udi na uvumba lakini walipoteza nafasi nyingi za kufunga zilizopatikana. Amis Tambwe, Andrey Coutinho na Simon Msuva walikosa nafasi nyingi za wazi na kuiokosesha Yanga ushindi wa magoli mengi.

Khartoum walionekana kuzidiwa hasa dakika 15 za mwisho kwani walijikuta wakishambuliwa muda wote na wao kubaki kuokoa hatari nyingi langoni mwao.

Kikosi cha Khartoum Kilichoikabili Yanga

Kwa matokeo hayo, Yanga inashika nafasi ya pili kwenye Kundi A linaloongozwa na Gor Mahia wakati Khartoum wakiwa nafasi ya tatu. Kutokana na Yanga kushika nafasi ya pili kwenye kundi lake, itakutana na Azam FC walioongoza kundi C kwenye mchezo wa robo fainali utakaopigwa siku ya Jumanne kwenye uwanja wa Taifa.

Manahodha wa timu zote mbili wakiwa katika picha ya pamoja na waamuzi kabla ya kuanza kwa mchezo.
CREDIT:SHAFFIHDAUD THE NUMBER 1 SPORT BLOG IN TANZANIA.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.