SAMATTA ATUPIA,KRC GENK IKIFANYA MAUAJI DHIDI YA KORTRIJK MCHEZO WA LIGI YA UBELGIJI

Mshambuliaji wa timu ya Taifa Stars na klabu ya KRC Genk Mbwana Samatta ameendelea kufumania nyavu kwa mara ya pili Mfululizo katika michezo ya Ligi Kuu ya Ubelgiji baada ya Genk kuibuka na ushindi wa magoli 3-0 didi ya  Kortrijk katika uwanja wao wa Luminus Arena.

Wiki iliyopita Samatta aliifungia bao muhimu timu yake ugenini dhidi ya As Eupen na usiku wa kuamkia Leo Samatta amefunga bao lake la Sita msimu huu wa Ligi hiyo.

Katika ushindi wa goli 3-0 mtanzania Mbwana Samatta ameendelea kuwa hodari wa upigaji vichwa, kutokana na kutumia vyema krosi iliyopigwa na  Schrijvers dakika ya 42 na kufunga goli la pili kwa KRC Genk, goli hilo linakuja ikiwa ni dakika 38 zimepita toka Siebe Schrijvers aifungie Genk goli la kwanza na Alejandro Pozuelo akafunga goli la tatu dakika ya 68.

Kwa matokeo hayo Genk wamepanda hadi nafasi ya nne ya Msimamo wa Ligi Kuu ya Ubelgiji wakifikisha jumla ya pointi 34 huku Samatta akifikisha jumla ya magoli Sita na kujiweka katika mazingira mazuri ya kumaliza akiwa na magoli mengi zaidi.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.