Mbunge wa Temeke alala rumande......Kisa Hiki Hapa

Mbunge wa Temeke, Abdallah Mtolea

Baada ya kukamatwa kwa mbunge huyo wa Temeke Abdalla Mtolea inadaiwa kwamba aliamua kuwapuuza polisi wa usalama barabarani na kuondoka zake

Dar es Salaam.Mbunge wa Temeke, Abdallah Mtolea yuko rumande tangu jana baada ya kukamatwa na Polisi akituhumiwa kuendesha gari ambalo bima yake ilikuwa imeisha muda.

Akithibitisha kukamatwa kwake leo  Alhamis Julai 20, Kamanda wa Polisi Mkoa wa Temeke, Gilles Mrosso amesema mbunge huyo yuko rumande tangu jana jioni.

Amesema amekamatwa na askari wa usalama barabarani Temeke akiendesha gari ambalo bima yake ilikuwa imeisha muda  wake.

“Askari wa usalama barabarani walipomhoji aliamua kuwapuuza na kuondoka zake,” amesema.

Amesema polisi walimfuatilia na kumkamata na sasa anaendelea kuhojiwa ili aweze kufikishwa mahakamani.

“Atafikishwa mahakamani kama tunavyofanya kwa raia yoyote, nafasi yake kama mbunge haiwezi kuwa sababu ya kutofuata sheria,” amesema.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.