YANGA, SIMBA UWANJANI LEO HII MAPINDUZI CUP
Mechi za Kombe la Mapinduzi zinatarajiwa kuendelea leo Alhamisi kwa michezo mitatu kuchezwa kwenye Uwanja wa Amaan visiwani Zanzibar.
Simba na Yanga wanatarajiwa kuwepo uwanjani hapo katika muda tofauti lakini kabla yao kutakuwa na mchezo wa Taifa Jan’gombe dhidi ya Singida United ambao utachezwa saa 8:30 mchana.
Mchezo wa Singida uliahirishwa baada ya dakika 45 tu za kipindi cha kwanza kutokana na mvua kubwa iliyonyesha na kusababisha Uwanja wa Amaan kujaa maji. Ulivunjika Singida United wakiwa wanaongoza kwa mabao 3-1.
Baada ya mchezo huo, Yanga watakutana na wababe wao wa kihistoria, JKU Saa 10:30 jioni katika mchezo mwingine wa Kundi B.
Watani wao, Simba wao watakamilisha mechi za leo kwa kumenyana na Jamhuri katika mchezo wa Kundi A Saa 2:15 usiku Uwanja wa Amaan.
Ikumbukwe katika mechi za kwanza juzi, Simba ililazimishwa sare ya 1-1 na Mwenge na Yanga ilishinda 2-1 dhidi ya Mlandege.
Mechi nyingine ya jana, URA ya Uganda iliibuka na ushindi wa 1-0 dhidi ya Mwenge, bao pekee la mkongwe, Bokota Labama.
0 comments :
Post a Comment