WAFANYAKAZI WA MIFUKO YA HIFADHI ZA JAMII TANZANIA WAJENGEWA UWEZO WA UTENDAJI KAZI

• Wednesday, 26 August 2015
• Written @nkupamah blog

Mwenyekiti wa Jumuiya ya Mifuko ya Hifadhi ya Jamii Tanzania (TSSA),Eliud Sanga ( kati kati) ambaye pia ni Mkurugenzi Mkuu wa Mfuko wa Hifadhi ya Wafanyakazi wa Serikali za Mitaa(LAPF), akibadilishana mawanzo na Katibu mkuu wa TSSA, Meshack Bandawe, ( kulia) ambaye pia ni Meneja wa PPF Kanda ya Ziwa , Augosti 24, mwaka huu mjini Morogoro baada ya mwenyekiti huyo kufungua mafunzo kwa wafanyakazi wa mbalimbali wa mifuko yote ya hifadhi ya jamii chini inayounda Jumuiya hiyo ( kushoto) ni Ofisa Matekelezo wa Mfuko wa PSPF Makao makuu Dar es Salaam.

JUMUIYA ya Mifuko ya Hifadhi ya Jamii Tanzania (TSSA) umewataka vijana wanaoajiriwa katika mifuko

inayounda jumuiya hiyo kuingiza mawazo mapya ya ubunifu katika kubuni mbinu mbadala za vivutio ili kukubalika katika soko katika maeneo ya vijijini ambako huduma hizo hazijawafikia watu wengi.

Hayo yalisemwa na Mwenyekiti wa TSSA, Eliud Sanga , Augosti 24,mwaka huu , wakati alipofungua mafunzo ya siku tano kwa wafanyakazi mbalimbali wa kutoka mifuko yote ya hifadhi ya jamii chini inayounda Jumuiya hiyo .

Alisema kuwa, soko bado ni kubwa la kutatafuta wanachama walio nje ya ajira isiyorasmi kuwaingiza katika mifuko hiyo hivyo ni vyema wakaanza kuelekeza nguvu zao katika kutafuta wanachama maeneo ya vijijini ambako kuna idadi kubwa ya wananchi wanaohitaji huduma zao.

Mwenyekiti huyo ambaye pia ni Mkurugenzi mkuu wa mfuko wa hifadhi ya wafanyakazi wa Serikali za Mitaa(LAPF), alisema si jambo jema kuendelea kulumbuna na kugombania wanachama katika maeneo ya mijini kwani soko bado ni kubwa maeneo ya vijijini ambapo kuna ajira binasfi na isiyo rasmi.(VICTOR)

Alisema endapo vijana wasomo wanaoajiriwa katika mifuko hiyo wanaingiza mawazo mapya na ubunifu wao , kila mfuko utakuwa na hazina kubwa ya wanachama kutokana na kuwafikia wananchi wanaoishi katika maeneo ya vijijini ambao ni wakulima na wafugaji wenye uwezo wa kuchangia mifuko hiyo.

Mwenyekiti huyo wa TSSA , alisema kutokana na mifuko hiyo kujikita katika maeneo ya mjini imekuwa ikitoa huduma hiyo kwa asilimia nne pekee na endapo itaongeza juhudi za kuwafikia watu wa maeneo ya vijijini inaweza kufikia zaidi ya asilimia 96.

Alisema , kuna kundi kubwa la wakulima,wafugaji na waendesha bodaboda ambao mifuko hiyo inapaswa kwenda kuhamasisha kujiunga na kuchangia huduma hizo za hifadhi ya jamii na pia kuangalia namna ya kutangaza mafao hayo.

Naye Katibu Mkuu wa TSSA, Meshack Bandawe, alisema malengo ya kuanzisha Jumuiya hiyo ni kufanya kazi kwa pamoja na kwa lengo moja ili kuhakikisha sekta ya hifadhi ya jamii inaimarishwa ili kuingiza Watanzania katika mifuko hiyo na waweze kunufaika nayo.

Mafunzo hayo ya siku tano yanawashirikisha wafanyakazi kutoka mifuko ya NSSF, PPF, LAPF, GEPF,NHIF na ZSSF na yamelenga kuwagengea uwezo wa ufahamu mkubwa juu ya madhumuni, malengo , umuhimu na misingi ya sekta ya hifadhi ya jamii ili kuboresha utendaji wao wa kazi katika sekta ya hifadhi ya jamii ili kuwafanya watanzania wengi wafaidike.

Bandawe ambaye pia ni Meneja wa PPF Kanda ya Ziwa,alisema kuwa kupitia Jumuiya hiyo sasa wataanza kuwaelimisha wananchi wote walioko rasmi katika soko ajira na wale wasio rasmi waweze kukingwa na mifuko ya hifadhi ya jamii .

Alisema kuwa wanaangalia namna ya kuiboresha mifuko hiyo kwa kupata uzoefu jinsi mifuko hiyo inavyofanya kazi katika nchi za Afrika mashariki ambayo imekuwa ikisaidia sana wananchi hasa wanaoishi katika maeneo ya vijijini.

Katibu mkuu huyo alisema, kupitia mafunzo hayo wanaangalia namna ya kupata wanachama ambao ni Watanzania wanaoishi nje ya nchi kuweza kuchangia kwenye mifuko hiyo wakiwa huko huko na wale wanaoishi maeneo ya vijijini.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.