Kengele yasababisha Bendtner kupigwa faini ya Pauni 1,770

Mchezaji wa zamani wa Arsenal, Nicklas Bendtner amejikuta katika hatia na kulazimika kulipa fidia ya Pauni 1,770 (zaidi ya Milioni 5 ya kitanzania)  baada ya kupuuzia kengele ya muda wa kwenda mazoezini na kujikuta akichelewa mazoezi kwa dakika 45.

Baada ya kuchelewa mazoezini na sababu yake kuwa ni amepuuzia kengele, uongozi wa klabu yake ya Wolfsburg ulimpa adhabu ya kulipa Pauni 39 kwa kila dakika aliyochelewa ambapo kwa dakika 45 ikawa ni Pauni 1,770 na pia akaambiwa afanye mazoezi peke yake.

Akizungumza na gazeti la Ujerumani la Bild, Bendtner alisema “Nilipitiwa kulala, nilipuuzia kengele, ni kosa langu”

Hilo sio kosa la kwanza la Bendtner kulifanya tangu alipowasili katika klabu hiyo kwani hata mwezi uliopita alikwenda mazoezini akitumia gari aina ya Mercedes S-Class licha ya kufahamu kuwa hawaruhusiwi kwenda mazoezini na gari za kampuni nyingine kutokana na klabu hiyo kuwa na mkataba na kampuni nyingine ya magari ya Volkswagen.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.