VIDEO:MBEYA CITY YATAMBA KUIFUNGA MWADUI FC KESHO VPL SOKOINE

KIKOSI cha Mbeya City Fc kimefanya mazoezi ya mwisho asubuhi ya leo kwenye uwanja wa shule ya  sekondari ya Kom mjini Shinyanga tayari kwa mchezo wa ligi kuu ya vodacom Tanzania bara dhidi ya Mwadui Fc uliopangwa kuchezwa kesho  Mwadui Complex.

Akizungumza na mbeyacityfc.com mapema leo, Ofisa habari wa kikosi hiki,  Dismas Ten amesema maandalizi yote kwa ajili ya mchezo huo  yamekamilika asilimia  mia moja,hasa baada ya program za mazoezi  kufanyika kwa siku mbili kama ilivyokuwa imeelekezwa na kocha Kinnah Phiri na kinachosubiriwa sasa ni dakika 90 za mchezo wa kesho.

Tumekuwa na siku mbili nzuri za mazoezi tangu tulipofika hapa Shinyanga siku ya juzi, tumekamilisha maandalizi yote tunasubiri dakika 90 za kesho, tunafahamu Mwadui ni timu nzuri lakini matokeo huja kulingana na vile ambavyo umejiandaa, sisi tumejiandaa vizuri kuhakikisha tunashinda mchezo ili kupata pointi tatu, lengo letu ni kuona tunakuwa sehemu ya timu nne za juu mwisho wa msimu.

Akiendelea zaidi  Ten alisema nyota wote 20 walisafiri kwaa ajili ya michezo miwili ya kanda ya ziwa wako kwenye hali nzuri pasipo majeraha yoyote kwa mujibu wa taarifa ya daktari, na hakuna shaka kuwa wako tayari kuitetea timu yao kwa uhakika na  nguvu zote.

Tumesafiri na kikosi cha nyota 20, hii ni kwa sababu  tuna mchezo mwingine dhidi ya Stand United wiki ijao, asubuhi hii daktari  wetu Guydon Makulila  amesema wote wako kwenye hali nzuri pasipo majeraha yoyote hivyo basi ni jukumu la benchi la ufundi kuona nani  na nani watakuwa sehemu ya kikosi cha kwanza kwenye mchezo wa kesho na ulewa tutakaocheza Kambarage.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.