Pinda Avutiwa Na Kasi ya Dr. Magufuli......Awataka Watanzania Wazidi Kumuombea

Wednesday, December 2, 2015

  @nkupamah blog

Waziri Mkuu mstaafu, Mizengo Pinda, amesema ameridhishwa na kasi ya utendaji kazi ambayo Rais Dk. John Magufuli na Waziri Mkuu, Majaliwa Kassim, wameanza nayo na kwamba ana imani kwa uchapakazi na uadilifu wao, wataivusha Tanzania na kuifikisha kwenye uchumi wa kati ambako serikali imejielekeza kufika.

Pinda amesema yeye anaona kasi hiyo ya utendaji inayochukuliwa na serikali ya awamu ya tano, ni sahihi na kinachohitajika ni kumuombea tu kwa Mungu.

Alitoa kauli hiyo jijini Dar es Salaam jana baada ya kufungua Kituo cha Utamaduni cha China hapa nchini katika mahojiano maalum na waandishi wa habari waliotaka kufahamu namna anavyoona kasi ya utendaji wa Serikali ya Awamu ya Tano.

Alisema kila rais anayeingia madarakani, lazima aingie na nguvu yake ya kufanya kazi ambayo inaweza kujenga imani kwa wananchi wake na yeye anaona sawa kasi hiyo aliyoingia nayo Dk. Magufuli.

“Unajua kila rais anayeingia madarakani, lazima aje na nguvu yake ambayo itajenga imani kwa wananchi, hivyo mimi naona ni sawa tu, kikubwa ni kumuombea tu,” alisema Pinda kwa ufupi.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.